Халыклар дуслыгы музее

Тасвирлама:
«Халыклар дуслыгы» туган як тарихы музее (рус. Краеведческий музей «Дружба народов») – Татарстанның Балтач районы Чепья авылында урнашкан муниципаль мәдәният оешмасы (музей). Төбәк тарихы һәм милләтләр мәдәнияте үсеше белән таныштыра.
Сайт:
http://www.museum.ru/M2668
Социаль челтәрләр:
- https://vk.com/club65776846?from=search
Адресы:
Балтач районы, Чепья авылы, Ленин урамы, 9 йорт

Чепья авылындагы «Халыклар дуслыгы» музеена 1965 елның 9 Маенда Бөек Ватан сугышы елларында фашист Германиясен Җиңүнең 20 еллыгы һәм Бөек Октябрь социалистик революциясенең 50 еллыгы уңаеннан, Чепья урта мәктәбенең тарих укытучысы Гарифҗан Галиев туплаган язма һәм матди материаллар коллекциясе базасында нигез салына. Музей 26 чит илдән кунаклар кабул иткән. Биредә 22 меңнән артык экспонат исәпләнә. 38 телдә язылган истәлекләр китабы гына да 13 томнан тора! 1982 елдан — «Халыклар дуслыгы» туган як тарихы музее». 1989 елга хәтле җәмәгать башлангычында эшли, 1989 елның маеннан — ТР милли музее филиалы. 2006 елның декабреннән — муниципаль мәдәният оешмасы.