2 июль көнне Рәйсә Мифтах кызы Шәяхмәтованың гомер бәйрәме – туган көне.

Хөрмәтле Рәйсә Мифтаховна! Сезне 70 яшьлек юбилеегыз белән Кече Лызи балалар бакчасы коллективы тәбрик итә.

Шушы 70 елның 40 елын Сез кешеләргә хезмәт күрсәттегез, шуның 25 елын Кече Лызи балалар бакчасында киләчәк буынны тәрбияләүгә багышладыгыз. Сезнең хезмәтегезне бүгенге көндә дә хәтерлиләр һәм яратып искә алалар. Бөтен җаныгызны һәм тәнегезне биреп башкарган хезмәтегездән без дә үрнәк алып эшлибез һәм яшибез. Сез бөтен кешеләргә булган яхшы мөнәсәбәтегезне күрсәттегез, тырыш, намуслы, үрнәк җитәкче булып күңелләрне яулый алдыгыз. Шулай ук, Сезнең күпсанлы мактаулы исемнәрегез дә шуңа дәлил булып тора.

Киләчәктә дә башкарган хезмәтегезнең  җимешләрен татып, кызыгыз Резеда, оныкларыгыз, оныкчыкларыгыз, туганнарыгыз һәм якыннарыгыз белән тату гаиләдә яшәргә насыйп булсын.

Хөрмәтле Рәйсә Мифтаховна! Нинди генә мактау сүзләре әйтсәк тә Сезнең өчен ул аз булыр сыман тоела.

Күпме булса җирдә изге теләк –

Без телибез Сезгә барын да.

Ап-ак карлар кебек бәхет яусын,

Туган көннең һәрбер таңында.

Йөрәгеңә җыйган яхшылыклар,

Изгелекләр булып кайтсыннар.

Туар таңнар алып килсен Сезгә

Сәламәтлек, бары шатлыклар!

Шатлык тулы якты көннәр

Сезгә гел юлдаш булсын.

Бүгенге матур мизгелләр

Гел кабатланып торсын!

Күңелең – гел игелектә,

Сокланып һич туймыйбыз,

Юбилей-бәйрәмегез белән

Чын күңелдән котлыйбыз!

Олы юбилеегыз белән котлап, Кече Лызи балалар бакчасы коллективы.