Хезмәт

Балтач районы

18+
2024 - Гаилә елы
Котлаулар

Бөрбаш авылында яшәүче кадерле әниебез Гөлнара Гайфетдин кызы Нотфуллинаның 8 август көнне 55 яшьлек күркәм юбилее.

08 августа 2020, 07:47

927

0

6

Бөрбаш авылында яшәүче кадерле әниебез Гөлнара Гайфетдин кызы Нотфуллинаның 8 август көнне 55 яшьлек күркәм юбилее.

Әниебез, дөньяның бар яктылыгын үзеңә җыйган, шат күңелле, ачык йөзле, олы йөрәкле кадерле кеше син безнең өчен. Барыбыз өчен дә өзелеп торасың, һәрчак хәлләребезне белеп яшисең. Син гаҗәеп киң күңелле, олы җанлы ӘНИ.
Кадерлебез, гомер бәйрәмең белән ихлас күңелдән котлап, сиңа нык сәламәтлек, күңел тынычлыгы, гаилә шатлыгы, бәхет-куанычлар белән тулы озын гомер телибез. Әрнү-сагыш белмә, һәрвакыт шулай мөлаем, олы йөрәкле, ярдәмчел бул. Изге дөньяның барлык рәхәтләрен күреп, балаларыңның, оныкларыңның ихтирамын, күңел җылысын тоеп бергә-бергә күңелле итеп яшәргә, әтиебез белән бәхетле озын гомер кичерергә Ходай насыйп итсен.
Инде без үсеп, үзебез әти-әни булгач та туган өебез һаман үзенә тарта. Чөнки анда әти белән әнием син бар. Матур итеп куанып каршы аласыз, борчылып озатасыз. Кайларда гына йөрсәк тә безнең күңелләр һәрвакыт сезнең яныгызда. Нинди генә эшкә алынсак та, без аны үзебезне генә түгел, сезне дә ким-хур итмәслек итеп башкарып чыгарга тырышабыз. Чөнки моңа безне сез өйрәттегез.

Бәйрәмеңдә иңнәреңнән кочып
Килә сине тәбрик итәсе.
Килә сиңа бәхет кенә теләп,
Матур сүзләр генә әйтәсе.

Әле һаман без дип яшисең син,
Күптән инде зурлар булсак та.
Аз булыр күк, Әнкәй, синең өчен
Нинди изгелекләр кылсак та.

Без телибез сиңа бәхет, Әнкәй,
Һәрвакытта бул үз көчеңдә.
Сине шулай исән-имин күрү
Бәхет бит ул безнең өчен дә!
Иң изге теләкләр белән тормыш иптәшең Ильяс, әбиебез Җүәһирә, балаларың, кияү-киленең, оныкларың, кода-кодагыйларың исеменнән кызың Гүзәл.

Оставляйте реакции

6

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев