ГӨЛЙӨЗЕМ НӘКЫЙП кызы САБИРОВАның 55 яшьлек юбилее

Борнак авылында яшәүче ГӨЛЙӨЗЕМ НӘКЫЙП кызы САБИРОВА 31 гыйнвар көнне үзенең 55 яшьлек юбилеен билгеләп үтә. 
Хөрмәтле Гөлйөзем ханым! Матур юбилеегыз белән чын йөрәктән котлыйбыз. Тормыш сынауларына бирешмичә, булганына шөкер итеп, якыннарыгызны кайгыртып, һәрчак ныклы терәк булып яшисез. Алдагы елларда да сәламәтлекнең иң ныгын, гомернең иң бәрәкәтлесен, шатлык-куанычларның иң зурысын телибез. Үстергән балаларыгызның игелеген күреп, оныкларыгызга сөенеп, Рифкать белән тигезлектә, муллыкта хәерле озын гомер кичерергә язсын Сезгә. 

Бар гомерегез үтсен шатлык белән, 
Юлыгызга гөлләр сибелсен. 
Бүген безнең кайнар котлавыбыз 
Гомерлеккә шатлык китерсен. 

Иң изге теләкләр белән «Борнак» җәмгыяте коллективы.