Кадерле әтиебез КАМИЛ ӘСХӘТДИН улы ТАҖЕТДИНОВка 60 яшь тулды

Балтач бистәсендә яшәүче газиз кешебез, кадерле әтиебез КАМИЛ ӘСХӘТДИН улы ТАҖЕТДИНОВка 23 ноябрь көнне 60 яшь тулды. 

Шушындый зур һәм якты бәйрәмең көнендә без сиңа ихлас котлауларыбызны юллыйбыз. Кадерле кешебез, сиңа булган теләкләребезнең иң мөһиме – алдагы гомер елларыңда тормыш юлларын иминлектә, сау-сәламәт булып, бәхетле көннәрдә, шатлык белән үтәргә язсын! Киләчәктә дә балаларыңның, оныкларыңның, кардәш-туганнарыңның шәфкатьлелеген, мәрхәмәтлелеген, игътибарын һәм ихтирамын тоеп, хәләл җефетең, әниебез белән хәерле, тыныч картлыкта гомер ит! 

Син булганда без бәхетле, 
Синең белән якты көнебез. 
Безнең белән син дә бәхетле бул, 
Сиңа озын-озак гомер телибез. 

Иң изге теләкләр белән әниебез Галия, улың Руслан, кызың Гүзәл, киявең Рөстәм, оныкларың Кәримә, Йосыф.