Хезмәт

Әтиебез МӨДӘРИС һәм әниебез НУРЗАЛИЯ ГАЗИМЬЯНОВЛАРның алтын туйлары.

Альберт, 30 май 2018 - 10:16
195
0
2

Сиреньнәр, шомыртлар, алмагачлар, чияләр шау чәчәккә күмелгән,бер ел фасылы белән дә тиңләштереп булмый торган ямьле май аеның 30нчы числосында Ор авылында гомер итүче безнең өчен бик тә кадерле булган әтиебез Мөдәрис һәм әниебез Нурзалия Газимьяновларның алтын туйлары. 
Әнкәебез, иң изгеләрнең, иң бөекләрнең, иң сөйкемлеләрнең берсе булып үскәнсең, җиткән кыз булгач,кече күңелле, ихтирамлы булган бер егетне – безнең әтиебезне – үзеңә яр иткәнсең. Һәм менә шундый парлардан без дөньяга килгәнбез. Алма агачыннан ерак төшмәгән кебек, безгә дә үзегездә булган барлык матур сыйфатларны биргәнсез. 
Бүгенге көндә без ихтирамлы кешеләр икәнбез, тормышта үз урыныбызны табып, сезнең янга җыела алабыз икән, бу, әлбәттә, безнең генә түгел,ә сезнең дә уңышыгыз. Сездән башка без бу дөньяга килә алмаган булыр идек. 
Безне бар иткәнегез өчен рәхмәт сезгә! Инде без үсеп, үзебез әни булгач та, үз тормышыбызны коргач та, туган өебез һаман үзенә тарта. Чөнки анда сез бар. Матур итеп куанып,аллага шөкер сез бар әле балаларыбыз дип каршы аласыз,тагын килегез дип озатып каласыз. Нинди генә эшкә алынсак та, без аны үзебезне генә түгел, сезне дә ким-хур итмәслек итеп башкарып чыгарга тырышабыз. Чөнки моңа безне үзегез өйрәттегез. 
Кеше арасында ким-хур итмичә үстердегез, гадел булырга өйрәттегез. Бу изгелекне яхшы гамәлләребез, игътибар һәм ярдәмебез белән сезгә кире кайтарырга бурычлы без. 
Кадерлеләребез, СЕЗНЕ чын күңелдән алтын туегыз белән котлыйбыз.Безгә терәк һәм КИРӘК булып яшәгез Исән-сау гына була күрегез. СЕЗ БЕЗГӘ БИК ТӘ КАДЕРЛЕ!!! Без СЕЗНЕ биииик яратабыз. 

Без дүрт бала – тормыш гөлегез, 
Әткәй – әнкәй сезгә дәшәбез. 
Кайгы күрмичә, безне шатландырып, 
Безнең белән бергә яшәгез. 
Әти – әни тагын озак еллар 
Яшәгез сез тату, сәламәт. 
Безне тәрбияләп үстердегез, 
Чын күңелдән сезгә зур рәхмәт. 
Авырлыклар инде артта калды, 
Җиңдегез сез һәр бер киртәне. 
Бәхет, шатлык һәм куаныч белән 
Каршылагыз һәр бер иртәне. 


Иң изге теләкләр белән кызларыгыз, кияүләрегез һәм 9 оныгыгыз.

Нравится
Поделиться:
Реклама
Комментарии (0)
Осталось символов: