Җаныңны утка салма!

Август-сентябрь айларында суд приставлары хезмәте тарафыннан кредитларны мәҗбүри түләтү буенча махсус акция үткәрелде. 199 райондашыбыз бурычка алган кредитларын вакытында түләмәгән өчен суд приставлары белән «хезмәттәшлек» итәргә мәҗбүр. Бурычларның гомуми суммасы 64 миллион 321 мең сум. Мондый гражданнарның мал-мөлкәтләренә арест салына һәм бурычын түләмәгән очракта мал-мөлкәте мәҗбүри саттырыша. 2012нче ел дәверендә кредит түләмәүче 38 гражданның мал-мөлкәте «кулга алынды», гомуми сумма 3 миллион 166 мең 319 сумны тәшкил итә. Районның 37 гражданы чит илләргә чыгу мөмкинчелегеннән мәхрүм ителде, 17 кешегә суд приставларының таләпләрен үтәмәгән өчен административ чара күрелде.