Бүген Балтачта Бөек Җиңүнең 70 еллыгын билгеләп үттеләр.

Ильнур, 9 май 2015 - 10:48

2519

Иртәнге сәгатьләрдән үк урамда музыка тавышы яңгырады, радиолардан тыл ветераннары турындагы язмалар тапшырылды, күктән елмаеп кояш карады. Шарлар, чәчәкләр тоткан яше-карты үзәккә агылды.

Бүген Балтачта Бөек Җиңүнең 70 еллыгын билгеләп үттеләр.

Бөек Ватан сугышы ветераннарын район хәрби комиссариаты каршында хөрмәтләп каршы алдылар, аннан соң тере коридор аша "Батырлар аллеясы"на озаттылар.

Биредә сугыш һәм хезмәт ветераннарын, барлык балтачлыларны район башлыгы Рамил Нотфуллин, Казаннан килгән кунак, район хәрби комиссары Васыйл Вәлиев тәбрикләде.

Бәйрәм тантанасы театральләштерелгән тамаша белән үрелеп барды. Яу кырында башларын салган райондашларыбыз бер минут тынлык белән искә алынды, алар хөрмәтенә веноклар салынды.