Тыныч булсын бабаемның җаны...
Мин бабайларымны бары тик фотосурәтләреннән генә күреп беләм. Әтиемнең дә, әниемнең дә әтиләре тырыш, акыллы, хөрмәткә лаек ир-егетләр булган. Икесе дә Бөек Ватан сугышында катнашкан.
Кырык бишнең ямьле май аенда
Күпләр көткән Җиңү таңы аткан.
Минем бабам булган бу сугышта,
Минем бабам илгә исән кайткан...
Ләкин бабам ике куллап кысып
Яраталмаган һичбер вакыт улын...
Чөнки фашист бомба атып өзгәч,
Бабам калган сыңар куллы булып.
Сыңар кулда - язмыш дилбегәсе,
Бик күпләргә күрсәткән ул үрнәк.
Сугыш яралаган - җиңә алмаган,
Ир-егеттә иң мөһиме - йөрәк!
Кулы - өзек, җаны төзек булган,
Минем бабам - кыю егет - солтан.
Тормышны ул сыңар куллап, ләкин
Куш йөрәкләп алга алып барган.
Минем бабам - олпат ир-ат булган -
Карт әбиләр хәтерлиләр аны.
... Оныклары горурланып сөйли -
Тыныч булсын бабаемның җаны...
Тыныч булсын бабаемның җаны -
Миндә ага бабамнарның каны...
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев