Хезмәт

Абау! Сабантуйга килгән кешеләрне ат таптаган

1 июньдә Башкортстанда Сабан туе вакытында бәйрәмгә килгән кешеләрне ат таптаган. Бу турыда «Башкорстан» телевидениесе хәбәр итте.

Бакалы районында Сабан туй бәрәмендә чабышында катнашучы атлы җайдак тиешле юлдан чыгып китә. Ат киртәне сикереп чыга, җайдак егылып төшә һәм хайван тамашачылар өстенә килеп керә. Ул берничә кешене аяктан ега, балалар коляскасын аудара. Бәхеткә, бу вакытта коляскада бала булмый. Әнисе ат килгәнен тиз арада күреп калып, баласын эләктереп алырга өлгерә.

Бәйрәмдә кизү торган табиблар бригадасы имгәнүчеләргә урында ярдәм күрсәтә. Ат астында калган кешеләрнең тәне күгәрә. Хастаханәгә баручы кеше юк, диелгән әлеге хәбәрдә.

Реклама

Район администрациясе башлыгы әлеге вакыйга турында аңлатма биргән. «Башка вакытта бу урынга тамашачылар кертелмәячәк», — дигән ул.

Фото Салават Камалетдинов

Бу хакта тулырак: https://intertat.tatar/hewef_heter/bashkortstanda-saban-tuena-kilg-n-keshel-rne-at-taptagan-video/

Нравится
Поделиться:
Реклама
Комментарии (0)
Осталось символов: