Район ЗАГС бүлегеннән алган мәгълүмәтләрдән күренгәнчә, соңгы еллардагы матур күренеш - туучы балаларның артуы һәм гомүми районыбыз халкының саны үсүе быел да сакланды.
2012 елда районда 437 бала туган булса, 2013 елда аларның саны 439 булды. Шуның белән бергә теге яки бу сәбапләр аркасында бу дөньядан китүчеләр саны сизелерлек кимегән - аларның саны 2012 елда 410 булса, 2013 елда 377 кешене тәшкил иткән.
2013 елда балаларга кубрәк нәкъ менә халкыбызга хас матур һәм әһәңле исемнәр куелган. Кызлар арасында популяр исемнәр - Камилә, Мәликә, Әминә, Ясминә һәм Зәйнәб исемнәре. Малайлар арасында 2013 елда иң күп куелган исемнәр Ильяс, Ислам, Самир, Булат һәм Нариман икән.
2013 елда алдагы елга караганда семья коручылар саны хәйран кимегән - 271 дән 249 га калган. Шунысы куаныч, семьяларның таркалуы 2012 елда 70 очрак булса, 2013 елда ул 59 булган.
