Хезмәт

Авыл баласы мин

Авыл баласы мин, читенсенмим Авыл кызы булып туганга. Авыл урамында яланаяк Йөрсәм дә мин чабып урамда. Читенсенмим, минем балачагым Узды ашап юа, кузгалак... Белем алдык чит авылга йөреп, Без җәяүләп кенә урманнан. Туйганчы без кәнфит ашамадык, Тик ач-ялангач та булмадык. Кар көрәдек, сулар ташыдык, Утын кисеп, аны турадык. Эшләп үстек,...

Авыл баласы мин, читенсенмим
Авыл кызы булып туганга.
Авыл урамында яланаяк
Йөрсәм дә мин чабып урамда.

Читенсенмим, минем балачагым
Узды ашап юа, кузгалак...
Белем алдык чит авылга йөреп,
Без җәяүләп кенә урманнан.

Туйганчы без кәнфит ашамадык,
Тик ач-ялангач та булмадык.
Кар көрәдек, сулар ташыдык,
Утын кисеп, аны турадык.

Эшләп үстек, шулай өйрәндек без -
Бәяләргә кеше хезмәтен.
Беркайчан да әти-әниләрнең
Кимемәде кадер-хөрмәте.

Читенсенмим, авыл баласы мин.
Авылныкы булып калырмын!
Монда тудым, монда тамыр җәйдем,
Монда булыр соңгы адымым.

Салиха Гаязова,
Нормабаш-Чапшар.

Реклама

Фото: vk.com

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: