Балтачның 25 үрнәк гаиләсе район Сабан туенда хөрмәтләнде (фото)

Балтач районы Сабантуй бәйрәмендә, олы тормыш тәҗрибәсе туплаган, ил-көннәргә лаеклы балалар үстергән, оныклар тәрбияләүгә дә зур өлеш кертеп яшьләрнең булышчылары булып яшәүче 25 үрнәк гаиләләрне дә хөрмәтләп, бүләкләп уздылар.

Балтач районында пар канатлы, сикәлтәле гомер юлларыннан матур итеп бергә атлаучы, бер-берсен яратышып, күгәрченнәр кебек гөрләшеп яшәүче гаиләләр бик күп. Яшьлек мәхәббәтләренә гомер буе тугрылыклы, олыгайган көннәрендә дә мәхәббәтләрен сүрелдермичә саклап кала белгән гаиләләр — район горурлыгы!!!