Белгечләр Россия халкының күпме өлеше пенсия яшенә җитәсен исәпләгән

(Казан, 27 июнь, "Татар-информ"). Белгечләр Россия халкының күпме өлеше пенсия яшенә җитәсен әйтте. Экспертлар Россия халкының якынча ничә проценты 65 һәм 63 яшьлек пенсия вакытына кадәр яши аласын исәпләп чыгарган. Бу нәтиҗәләрне Югары икътисад мәктәбе Демография институты эшләгән, дип яза РБК.

Ир-атларның пенсия яшенә кадәр җитү ихтималы 82-96 процент булган. Хатын-кызларның 93-99 проценты пенсия яшенә җитәргә мөмкин, диелгән әлеге хәбәрдә.

Россия Хөкүмәте пенсия яшен арттыруны киләсе елдан башлап, ел саен өстәп барырга тәкъдим итте. Шулай итеп илдә пенсия яше ир-атлар өчен 65 яшь һәм хатын-кызлар өчен 63 яшь булачак. Күчеш этабы 2019 елда башлана һәм ир-атлар өчен 2028 елга кадәр, хатын-кызлар өчен 2034 елга кадәр дәвам итәчәк. Бу турыда Россия премьер-министр Дмитрий Медведев Министрлар кабинеты утырышында әйтте.

Фото: pixabay.com/ru