Биктәш халкы Питрауга дәшәр иде

12 июль - Питрау бәйрәме дип йөртелә. Питрау җитте, җәй үтте, диләр. Питрауга кадәр дару  үләннәре, миллек җыеп калырга кушалар. 

Әгәр шушы пандемия зәхмәте булмаса, Биктәш авылы халкы бар район халкын Питрау бәйрәменә дәшәр иде, таңга чаклы бәйрәм гөрләр иде. Бәйрәмне хәзерге вакытларда өйдә, гаиләдә, яки дуслар белән табигатьтә генә үткәрергә туры килә. 

Ә шулай да күркәм милли бәйрәм белән сезне, дуслар! Илләр тыныч, дөньялар имин булсын! Бу вирус афәтләрен җиңеп, сау-сәламәт калып, киләчәккә яшел келәмнәрдән атларга язсын!