Яңа ел һәркемгә матур хыяллар, өмет-ышаныч алып килүче матур бәйрәмнәрнең берсе.
Яңа Салавычлы лар да киләсе Аждаһа елын матур уйлар белән каршылар, ахры. Чөнки биредә әзерлек эшләре күптән башланып, күңелле бәйрәм булачагына өмет уята. Авыл халкы бәйрәмне сыннар ясалган зур мәйданчыкта зурлап үткәрәчәк икән. Бәйрәмне башлап йөрүчеләр «Татарстан» җәмгыяте тракторчысы Рифат Сабиров һәм КФУ студенты Ландыш Гарифуллина. Авылдашларына зур бәйрәм ясау максатыннан алар зур җаваплылык алып бу эшкә ныклап алынганнар. Кеше кушканга яисә акчага түгел, ә чын күңелдән биредә яшәүчеләргә бәйрәм шатлыгы бүләк итү нияте белән.
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Иң мөһим һәм кызыклы язмаларны Татмедиа Telegram-каналында укыгыз
