Хезмәт

Кар көрәргә әзерләр

Кышка кердек. Ишеп кары да явар, бураны да булыр бер заман. Авыл урамнарын, юлларын кар көртләре каплап китәр.

Реклама

Әмма Куныр, Шода авылларында яшәүчеләр өчен мондый көннәр куркыныч түгел. Чөнки белеп торалар: «Якты юл» хуҗалыгы ел саен урамнарны-юлларны чистартуны «яхшы» билгесе куярлык итеп башкарып килә. Ул бу кышта да шулай булачак. Механизатор Нуретдин Гайсинның көчле егәрлекле «К-744» тракторы (районда бердәнбер) кар көрәргә чыгарга әзер тора. Эттергечен дә яхшылап ремонтлап, шомартып куйган. Рәфыйк Гамбәров иярләгән «Т-130» тракторы да кирәк булу белән эшкә чыгарга әзер. Хуҗалыкта мастерскойга ремонтларга ике «Беларусь» тракторын да керткәннәр. Ремонтчыларга мастер-көйләүче Рәис Сәгыйтҗанов ярдәм күрсәтә, иске частьларны сүтә, төзәтеп булырдайларын төзәтә. Гараж мөдире Ирек Садыйков эштә киртәләр булдырмау хәстәрен күрә. Язга кадәр кыр эшләрендә катнашырдай барлык тракторларны да ремонтлап чыгарга исәпләре.

Теги: 250
Нравится
Поделиться:
Реклама
Комментарии (0)
Осталось символов: