«Кемне дошманнан сакладык? »
Әтиемнең дуслары бик күп. Аларның һәркайсының үз язмышы, кайсы ишле гаиләдә үскән, кайсы үзе хәзер күп бала тәрбияләп үстерә. Ә менә Урта Көшкәт авылында туып үскән, бүгенге көндә Түбән Ушма авылында яшәүче дусты Владимир Кондратьев турында аерым бер хөрмәт белән сөйли ул.
.jpg)
Кан төсендәге кып-кызыл мәк кырлары үстереп, ак үлемгә юл яручы бу як халкы яшь солдатлар күңеленә үчле, мәкерле булуы белән дә кереп калды. Һава температурасы 70 градуска җиткән вакытлары була иде. Эсселектән әлсерәгән, хәлсез картларны кызганып, ихлас күңелдән су биргән солдатларны дошман пулясы сызып үткән мизгелләрне онытырлыкмы соң? Якларга, сакларга дип килгән солдатларны гади халык үзе үк мәсхәрәли иде. Әфганстан җире тормышны ныклап танырга да өлгермәгән бездәй егетләргә ачы сабак бирде. Биредә берәүне дә кызганырга, берәүгә дә ышанырга ярамый - гомерең белән җавап бирәсең. Әфганстанның тау-ташлы юлларында йөрү яшь солдатларга гына түгел, тәҗрибәле шоферлар өчен дә сират күпере кичү белән бер булгандыр. Туган якка кайтырга 2 ай калгач, махсус йөк белән 45 машина бер сафка тезелеп юлга чыктык. Дошман белән иң нык бәрелеш шул вакытта булды. Без 30 хезмәттәшебезне югалттык. Минем белән хәрби хезмәтен Кабулда башлаган Арча районы Пөшәңгәр авылы егетен дә үлем тырнагыннан алып кала алмадык. Хәрби йөкне исән-сау алып кайтып җиткерә алган шофер буларак мине, «Сугышчан батырлыклар өчен» медале белән бүләкләделәр. Туган якларга кайтканга 31 ел вакыт узса да, ул еллар бер дә онытылмый. Кем өчен сугыштык без, кемне дошманнан сакладык? Инде олыгаеп барган акылым белән уйлыйм да, мөгаен, бу илдә безнең үзебезне сакларга кирәк булгандыр».
Билгеле, сугышта яхшы һәм яман халык була алмый, яулап алучы - җиңүчеләр һәм җиңелүчеләр генә була ала. Әфган җирендәге аңлаешсыз сугышның яшь корбаннары инде олыгаеп киләләр, хәтта кайберләре безнең арабызда да юк. Владимир Павлович кебек гаделлек өчен сугышканнар без яшь буынга горурлык, йөз аклыгы булып торалар.
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Иң мөһим һәм кызыклы язмаларны Татмедиа Telegram-каналында укыгыз