Хезмәт

Марат Хөснуллин: Барлык илкүләм проектлар буенча республика илдә алдынгылар өчлегендә

Хөкүмәт Рәисе урынбасары Татарстанның 100 еллыгы чараларын уздыру республиканың милли, мәдәни үзенчәлекләрен, казанышларын популярлаштырырга ярдәм итәчәк, дип саный.

(Казан, 25 июнь, «Татар-информ», Гөлнар Гарифуллина). Барлык илкүләм проектлар буенча республика тотрыклы рәвештә бөтен илдә алдынгылар өчлегендә бара. Бүген Казан Ратушасында Татарстанның 100 еллыгына әзерлек һәм билгеләп үтү буенча оештыру комитеты утырышында Россия Федерациясе Хөкүмәте Рәисе урынбасары Марат Хөснуллин шулай дип белдерде.

«Татарстан бүген алга киткән төбәк. Социаль-икътисади үсеш дәрәҗәсе буенча лидерлык позицияләрен биләп тора. Юллар буенча беренче өчлектә, торак буенча беренче урында. Татарстан һәркайда, барлык программаларда алдынгы», — диде ул.

«Казан һәм башка шәһәрләр ничек үсеш алуын күрәбез. Тарихи һәм мәдәни мирас объектлары һәм заманча карарлар ничек үрелеп баруын күрәбез», — дип ассызыклады Марат Хөснуллин.

Ул Татарстанның 100 еллыгына әзерлек һәм бәйрәм итү буенча чаралар республика үсешенә үз өлешен керткәнен билгеләп узды. Чаралар республика тарафыннан мөстәкыйль, федераль казна акчаларын җәлеп итмичә диярлек гамәлгә ашырылганын искәртте. Коронавирус планнарга төзәтмәләр кертсә дә, РФ Президенты Указы белән юбилей чаралары 2020 ел дәвамында үткәрелә алуын искә алды.

Марат Хөснуллин Татарстанның 100 еллыгын бәйрәм итү планына 76 чара кертелгәнен әйтте. «Аларны уздыру республиканың милли, мәдәни үзенчәлекләрен, казанышларын популярлаштырырга ярдәм итәчәк», — диде.

Хөкүмәт Рәисе урынбасары мәдәни, социаль әһәмияткә ия объектларны төзү төзекләндерү чаралар аерым блок булып торганына игътибар юнәлтте. «Сәет-Галиев исемендәге мәдәният сарае дөнья дәрәҗәсендәге бина булган», — дип бәяләде.

 

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: