Хезмәт

Марат Хөснуллин бик тырыш, намуслы, креатив, ди Минтимер Шәймиев

Татарстан Төзелеш министрлыгының элеккеге башлыгы Россия вице-премьеры итеп билгеләнде.

Марат Хөснуллин җитәкчелегендә республикада тузган торакны бетерү программасы, метрополитен төзелеше кебек киңкүләмле проектлар гамәлгә ашырылды.

Марат Хөснуллин җитәкчелегендә Татарстанда күп мәсьәләләрне хәл итәргә мөмкинлек бирә торган көчле төзелеш индустриясе формалашты.

«Марат Хөснуллин бик тырыш, намуслы, креатив. Ул 35 яшендә Татарстанның төзелеш, архитектура һәм торак-коммуналь хуҗалык министры булды. Моңа кадәр кайбер эре төзелеш оешмаларында эшләп өлгерде», — диде Минтимер Шәймиев. ТР Дәүләт Киңәшчесе сүзләренчә, Хөснуллин министр булып эшли башлаганда, Татарстанда төзелеш куәтләре җитешми иде.

Марат Хөснуллин җитәкчелегендә республикада тузган торакны бетерү программасы, метрополитен төзелеше кебек киңкүләмле проектлар гамәлгә ашырылды, дип искәртте Минтимер Шәймиев.

Реклама

«Күз алдына да китерүе кыен, без 2019 елда 2,7 млн квадрат метр торак тапшырдык. Бу республиканың һәр кешесенә 0,7 квадрат метр — бик югары күрсәткеч. Без элек бер кешегә 0,5 квадрат метр күрсәткечкә ирешергә хыялланган идек», — дип аңлатты Шәймиев. Аның сүзләренчә, хәзер республикада күп кенә бурычларны, шул исәптән илкүләм проектларны гамәлгә ашыруны хәл итәргә мөмкинлек бирә торган төзелеш индустриясе булдырылган.

Шәймиев: «Хөснуллин Татарстанда бик зур тәҗрибә туплады, аны очраклы гына Мәскәүгә чакырмадылар. Һәм бу дөрес сайлау иде. Без Мәскәүдә бөтен инфраструктура буенча нинди киң күләмле үзгәртеп корулар барганын күрәбез, бу эштә Хөснуллинның хезмәте зур. Яңа РФ Премьер-министрының аны урынбасар итеп чакыруы — бу уңыш. Бу яңа Хөкүмәтнең барлык юнәлешләр буенча да уңышлы һәм конструктив эшләячәгенә өмет уята».

фото: Рамил Гали

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: