"Нигә безне ишетмиләр? Авылны эт басты, әле ул гына да түгел..."

Шушы көннәрдә Кариле авылында яшәүчеләрдән шалтырату кабул иттек.

-Тынычлык урамында иясез этләр күбәйде. Шулар, бөтен тынычлыгыбызны ала. Җирле үзидарәгә шалтыраттык. Тик, мөрәҗәгатебез җавапсыз калды. Нигә безне ишетмиләр? Ул-бу  була калса...  Әле ул гына да түгел. Безнең Кариле авылы бик зур. Тик ни хикмәт балалар өчен уен мәйланчыгы юк. Мәктәп мәйданчыгына барырлар иде, анда барыр өчен олы юл үтәсе бар. Урамыбызда җыелган бала-чаганың күплеген чамалар өчен кайчак та урамнан машина үтеп китә алмавын әйтү дә җитәдер. Инде үзара салым акчаларын да вакытында тапшырабыз. Шулар исәбенә булса да, уен мәйданчыгы төзеп булмый микән ул?  - ди шалтыратучыбыз.

Җирле үзидәрә җитәкчелеге халык зарын ишетер һәм әлеге мөрәҗәгать җавапсыз калмас дип уйлыйбыз.