Политолог: яңартылган Конституция республиканың тарихын һәм үзенчәлеген яклый

РФ Конституциясенә төзәтмәләр нәтиҗәсендә милли республикаларның статусы теркәлә, ә аларның мәдәнияте һәм тарихы яклана. Бу хакта бөтенроссия тавыш бирүнең республика матбугат үзәгендә узган матбугат конференциясендә политолог Марат Бәширов хәбәр итте.

"Конституциядә милли республикаларның статусы теркәлә. Берничә ел элек без регионнарны унификацияләргә кирәк дигән сорауларны ишеттек, Әмма Конституция аларның статусын терки һәм аларның тарихын, мәдәниятен һәм үзенчәлеген якларга мөмкинлек бирә — бу бик мөһим», - дип билгеләп үтте Бәширов.

Аның сүзләренә караганда, Татарстанда тавыш бирүдә катаншуычылар саны югары булу республика халкы тарафыннан бу төзәтмәләрнең мөһимлеген аңлавы турында сөйли.

«Республикалар тынычлыкта яшәргә күнеккән, тел һәм мәдәни консенсус барлыкка килгәнгә күнеккән — бу аңлашыла да. Алар үзләренең традицион тормыш рәвешен саклап калулары мөһим", - дип өстәде политолог.

Бүген, 1 июльдә, РФ Конституциясенә төзәтмәләр буенча тавыш бирүнең төп көне уза. 20 сәгатькә кадәр тавыш бирергә мөмкин. Татарстанда плебиситта 65 территориаль һәм 2,8 мең участок сайлау комиссиясе эшли. Үз фикерен белдерү хокукына республиканың 2,9 млн кешесе ия.

Фото: Владимир Васильев