Узган атнаның җомгасында, ягъни 13нче гыйнвар көнне үзәк чыршы янында Иске елны озату бәйрәме булып узды.
Чараны район мәдәният бүлеге хезмәткәрләре төрле шаян уеннар, конкурслар белән бәйләп алып барды. Районыбыз үзешчәннәре һәрбер килгән кунакны бәйрәм белән котлап, үзләренең җырларын тапшырды. Җырлы-биюле бәйрәмне тыныч кына карап торып булмады, өлкәннәр түгәрәкләргә оешып биесә, яшьрәкләр янәшәдәге шугалакта тимераякта йорде, иң кечкенәләр алар өчен махсус эшләнгән таучыклардан шуып рәхәтләнде. Күңелле, кызыклы, мавыктыргыч итеп оештырылган бәйрәмдә теләгән һәркем шашлыктан да авыз итеп, Иске елны истә калырлык итеп үткәрде.
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Иң мөһим һәм кызыклы язмаларны Татмедиа Telegram-каналында укыгыз
