Хезмәт

Татарстан төбәкләр рейтингында беренче урынны алды

Татарстан Россиядә туристлык-рекреацион кластерлар булдыру һәм экотуризмны үстерү буенча Бөтенроссия конкурсы финалына чыкты

Татарстанлыларның тавыш бирүдә актив катнашуы һәм теләктәшлек белдерүе Татарстан Республикасының ике проекты Россиядә туристлык-рекреацион кластерлар булдыру һәм экотуризмны үстерү буенча Бөтенроссия конкурсының финалына чыкты.

Бүген РФ Президентының табигать саклау эшчәнлеге, экология һәм транспорт мәсьәләләре буенча махсус вәкиле Сергей Иванов рәислегендәге комиссия конкурс финалистларын игълан итте: Россиянең төрле төбәкләреннән барлыгы 34 проект.

Проектлар өчен халык тавыш бирү 23 июльдә тәмамланды. Барлык бирелгән "лайк" лар да тавышларның мөмкин булган накруткаларын бетерү һәм фейк аккаунтларын теркәү максаты белән тикшерү уздылар.

Ун көн дәвамында конкурс сайтында чын көрәш барды. Лидерлар бер-берсен алыштырды. Регионнар, командалар һәм үзләре өчен мөһим дип санаганнар, кызгылт сары йөрәкләр таратып, үз фикерләрен әйттеләр. Татарстан Президенты Рөстәм Миңнеханов үзенең Instagram-аккаунтында шулай ук татарстанлыларны конкурста республика проектларын якларга чакырды - һәр тавыш мөһим иде.

Нәтиҗәдә, Татарстан төбәкләр рейтингында беренче урынны алды, ә берничә проектыбыз халык тавыш бирүе лидерлары унлыгына керде. Конкурсның финалына «Биектау» һәм «Кама Тамагы»туристлык-рекреация комплекслары чыкты һәм федераль финанслауга шанслар алды. Бу Россия масштабындагы уникаль урыннар: Зәңгәр күлләр, Кама Тамагы районындагы Лобач тавы һәм Юрьев мәгарәсе янындагы территория.

Конкурста җиңү анда цивилизацияле ял итү, республика буенча гаилә сәяхәтләре һәм Татарстанның табигый байлыкларын саклау өчен яңа мөмкинлекләр булдырырга мөмкинлек бирәчәк.

Фото: pixabay.com/ru

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: