Хезмәт

Дилия Вахитова: "Дөньяның бар рәхәте әнием кулларында"

Дөньяның бар матурлыгы Әнием йөзләрендә

Әниемнең куллары
Әйтерсең күктән төшкән
Җылы кояш нурлары.
Юк, алардан да җылырак
Әниемнең куллары.

Әнием өлешенә эләккән
Сынауларның авыры,
Тик барына да түзгән
Әниемнең куллары.

Бар дөньяны яшәткән күкнең
Шифалы яңгырлары.
Бар авырыга сихәт бирә
Әниемнең куллары.

Көннең кояшы булган сыман,
Ә төннең йолдызлары.
Әле дә бар бердәнбер
Әниемнең куллары.

Йолдыз кебек балкып тора
Барасы юлларымда
Дөньяның бар рәхәте
Әнием кулларында.

***

Ямь табам һәр көннән мин,
Ямь табам көзләрен дә.
Дөньяның бар матурлыгы
Әнием йөзләрендә.

Аңлатырга бар назын
Табып булмас сүзләрен дә,
Кояш нуры балкый сыман
Әнием күзләрендә.

***
Көзге урман төсләре
Кызыл, алсу һәм сары,
Зур байлыкларга ия
Бөек тау асылташы.

Карап торсаң ерактан
Каенкаем сары бик тә,
Күктәге йолдыз сыман
Ялтырый патшабикә.

Алтын яфрак үрелеп
Зәңгәр күккә бер тия,
Аны ясап куярга
Рәссам буласым килә.

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Твиттер, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: