Эремчекле рогаликлар

Автор, 25 ноябрь 2021 - 17:21

2940

Әлеге рецепт бик җиңел, тиз әзерләнә һәм бик тәмле була.

Кирәкле ингредиентлар: 150 грамм атланмай, 100 грамм шикәр комы, 300 грамм эремчек, 1 чәй кашыгы ккөпшәкләндергеч, 300-350 грамм он.

Йомшак майны һәм песокны миксер белән болгатабыз. Шушы массага эремчек салабыз. Тагын болгатабыз. Аннан он һәм көпшәкләндергеч өстибез. Камырны басабыз.

Әзер камырны өчкә бүләбез һәм токмачка камыр җәйгән кебек җәябез. Калынлыгы якынча 5 мм булырга тиеш. Җәелгән камырга шикәр комы сибәбез һәм өчпочмаклар ясап кисәбез. Рогаликлар ясау өчен, өчпочмакларны төрәбез.

180 градуска җиткерелгән мичтә 15 минут пешерәбез. Тәмле булсын!