Гөлнур Гариповадан кишер яфраклары белән кыяр маринадлау рецепты

Юылган банкаларны уксуслы суда чайкатып алдым да, кишер яфраклары, 2 тырнак сарымсак, 6 түгәрәк кара борыч һәм банка тулганчы баш-башларын кискән кыяр тутырдым.

Кайнап торган су(кипяток) салып капкачларын ябып куеп ярты сәгатьләп тоттым.

Банкалардагы суны кәстрүлгә бушаттым, 2 аш калагы тоз,3 аш калагы песок салып кайнатып чыгардым, 8 аш калагы уксус өстәдем дә банкаларга салып ябып куйдым.

Тоз, песок, уксус күләме, ике 1 литрлы банка өчен, ягъни 1 литр суга.

чыганак