Печәнсез каласыз бит

Ильнур, 3 июль 2014 - 11:13

2375

Июльнең беренче өч көнендә районда 901 тонна печән хәзерләнде. «Бөрбаш», «Яңа тормыш» һәм «Уңыш»та аны - 150шәр, «Дуслык», «Смәел» - 50шәр, «Кама», Тимирязев исемендәге һәм «Сорнай» хуҗалыкларында 40ар тоннадан күбрәк запаслый алдылар.

Монда болыннар бүлеп, үз терлекләре өчен печән хәзерләү өчен шәхси хуҗалыкларга ирек бирүнең дә нәтиҗәсе зур. Июльнең беренче өч көнендә райондагы шәхси хуҗалыкларга 770 тонна печән кайткан һәм алардагы кышлык печән запасы хәзер 2300 тонна тәшкил итә. Халыкка мал асрау өчен печән бирү буенча хуҗалыкларда хәл түбәндәгечә (күрсәткечләр тонналарда).

Тимирязев исем.	620
Сорнай	214
Сосна	194
Игенче	180
Дуслык	157
Смәел	155
Уңыш	150
Бөрбаш	150
Яңа тормыш	150
Кама	119
Активист	100
Тукай исем.	100

Калган җәмгыятьләрдә шәхси хуҗалык терлекләрен печәнле итүне соңгы чиратка калдырганнар. Терлекләргә кышлык запассыз калабыз бугай дип кайгырып йөрмәсә, механизаторның, терлекченең эшкә мөнәсәбәте дә икенче булыр иде. Җәмгыять җитәкчеләре үзләрендә эшләүче авыл халкының мәнфәгатьләрен беренче чиратта кайгыртырга тиештер.

Районда хәзерләнгән 44896 тонна сенажның 6000 тоннасы июльнең беренче өч көнендә салынган. Күп түгел. 20 хуҗалыкка бүлсәң, 300әр тонна гына туры килә. Ә бер көнгә нибары 100 тонна дигән сүз. Июльнең беренче өч көнендә хуҗалыкларның сенаж салуда ничек эшләгәннәре түбәндәге сводкада күренә (тонналарда).

Кама	569
Маяк	560
Татарстан	484
Сосна	412
Смәел	380
Труд	323
Кызыл юл	305
Тимирязев исем.	304
Бөрбаш	300
Яңа тормыш	300
Активист	253
Дуслык	250
Тукай исем.	235
Борнак	199
Арбор	194
Якты юл	137
Алга	115