Хезмәт

Авыл яши әле – мондый яшьләр булганда (фото).

Кичә Сабантуй мәйданында авыл хуҗалыгы тармагында эшләүче яшь хезмәтчәннәр ярышты. Әлеге чараның инициаторы булып районның аграр яшьләр берләшмәсе тора.

Бәйгенең ачылу тантанасында район авыл хуҗалыгы һәм азык-төлек идарәсе җитәкчесе Фирдәүс Нәбиуллин, район спорт һәм яшьләр эшләре бүлеге мөдире Рөстәм Заһидуллин яшьләргә бүгенге ярышта һәм хезмәттә уңышлар теләде.

Реклама

Һәр хуҗалыктан бер сыер савучы һәм бер механизатор катнашты. Алар җиңел атлетика буенча нормативлар тапшырдылар, вакытка йөгерделәр, кызлар сыер саву аппаратын сүтеп кордылар, ә егетләр тракторда йөреп, һөнәри осталыкларын күрсәттеләр. Сыер савучылар арасында бер егет тә бар иде. Ул - "Кызыл юл" хуҗалыгыннан 1991нче елгы Фәрит Галиев. Үзенең җитезлеге һәм сыер савучылар арасында бердәнбер булуы белән дә аерылып торды. Егетебез бәйге ахырында пьедесталның беренче баскычында урын алды. Шулай ук хатын-кызлар арасында да беренчелеккә дәгъва белдерүчеләр булды. Ул урынга "Уңыш"тан Әлфия Гыйльманова лаек дип табылды. Ә механизаторлар арасында "Дуслык"тан Александр Прокопьевка тиңнәр булмады.

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: