«Бөрбаш» җәмгыятендә сенаж әзерләү белән мәшгульләр.
Нуриян Сабиров 200 гектарда печән чапса, «МТЗ-80» хуҗасы Нәкыйп Дәминов, «МТЗ-82»не иярләүче Алмаз Корбангалиевлар 300 тонна сенажны пленка белән төрделәр. Өлгер эшләүләре белән моңарчы тоткарлык ясамаган егетләр терлек азыгы хәзерләүнең мөһим этап булуын яхшы аңлый. Шуңа да аяз көннәрдә күбрәк күләмдә һәм сыйфатлы итеп эш башкарып калырга ашыга алар.
