Быел һава торышының кулай торуы терлек азыгы әзерләүне алданрак башларга зур мөмкинлек бирде.
«Сорнай» игенчеләре дә бу эштә нәтиҗәлелек күрсәтүе белән мактаулы. Әнә, 7нче июнь көненә алынган күрсәткечләрдән күренгәнчә, җәмгыятьнең күпьеллык костер үләне басуында «МТЗ-82» тимер атын иярләп Сергей Калинин 143 тонна печән пресслаган. Ә әйләндерү һәм киптерүдә «Т-25» тракторлары белән Әнис Мортазин, Михаил Плотников эш башкарса, «КамАЗ» машиналарында Рафаэль Вәлиев белән Евгений Плотников йөкләрне ташып торалар.
