«Маяк» игенчеләре мул уңыш җыя (фото)

«Маяк» җәмгыяте игенчеләре беренчеләрдән булып уракны башлап җибәргәннәр иде.

Бүгенге көндә алар 50 гектар мәйданга чәчелгән «Раушан» сортлы арпаны сугалар.

Җәмгыятьнең баш агрономы Тәбрис Галимуллин арпаның беренче чәчкән мәйданнарына язгы суыклар йогынты ясаган, алары начаррак, ди. Ә менә соңыннан чәчкәннәренең башак та дәү, уңышы да әйбәт, дип ассызыклап узды.

Иген кырларында өч «Акрос» комбайны эшли. Аларда Риваль Сәмигуллин, Илгиз Зарипов, Алмаз Шәрипов хезмәт куя. Ярдәмчеләре — Салават Фатыйхов, Дмитрий Гаврилов, Илназ Батыршин.

Башка культураларның күпме уңыш бирүе турында газетабызның җомга саныннан укып белә алачаксыз.