Арборлылар эшләп тә күрсәтә

Район комбайнчылары арасында барган ярышныӊ дүртенче атнасына йомгак ясалды. Өченче атнасында «Арбор» хуҗалыгы комбайнчысы Нурулла Ульданов янәдән җиӊүче булып танылган иде,  соңгы атнада вымпелга янә әлеге хуҗалыктан Альберт Хәмидуллин лаек булды.  Шулай итеп, соңгы атналарда «Иң яхшы комбайнчылар» «Арбор» хуҗалыгында булды. Башка игенчеләргә  исә сертификатлар тапшырылды.

Иртә таңнан төнгә чаклы туган як кырларын иңләүче, алтын бөртекләрне ындыр табакларына озатучы игенчеләребезнең тырыш хезмәте мактауга һәм хөрмәткә лаек. Уңган игенчеләребезне ихлас күңелдән котлап, ныклы сәламәтлек, иминлек, эшләрендә гелдән-гел уңышлар, гаиләләренә бәхет телибез.

Фото: баш мөхәррир