Авыл хужалыгында яӊгыры да бик кирәк

Амбарга кайткан икмәкне дә урнаштыру зарури, чәчү орлыгын әзерләүне дә артка калдырып булмый. Тиздән көзге чәчү башлана, терлек азыгы өчен калдырган културалар, шул исәптән кукуруз да дымнан башка үсми бит.

      Ә урып-җыга килгәндә, игеннәр район буенча 14216 гектар мәйданда инде җыеп алынган, димәк, комбайнчыларыбыз яртысына якынлашалар. 56 952 тонна амбарларга кайтарылган ашлык та күӊелне сөендерә.  Сатарга да (бәясе һәм алучысы булса) була,  терлекчелектә фураж белән тәэмин итүдә дә өзеклекләр булмас. Хәзергә иӊ күп тулаем җыелган ашлык «Дуслык»та – 4196 тонна, «Сорнай»да ул – 4010, «Кызыл юл»да – 3918, Тимирязев исемендәге хуҗалыкта – 3875, «Татарстан»да – 3856 тоннаны тәшкил итә.  Һәр гектардан иӊ зур уӊыш «Кызыл юл»да һәм  Тимирязев исемендәге хуҗалыкта, аларда ул 47 центнердан артык чыгып бара. Районныӊ яӊадан 6 хуҗалыгында бөтеклеләрнеӊ уӊышы һәр гектардан 40 центнердан артык.