Бакчадагы алмагачлар алма бирсен, дисәгез...

Безнең якларда алмагачлар - бакчачылар арасында иң популяр җимеш агачлары. Бакчаның бөтен матурлыгы әнә шул кызарып пешкән хуш исле алмаларда түгелмени? Сез бу язда яңа сортлар утыртырга җыенасызмы? Русия Авыл хуҗалыгы үзәгенең Башкортстан филиалы белгечләре алмагач үсентеләрен таныш питомниклардан гына алырга киңәш итә. Кайсы сортларга игътибар итәргә соң?

Кышкы сортлардан “Башкирский красавец”, “Башкирское зимнее”, “Бельфлер башкирский”, “Антоновка обыкновенная”, ”Бүләк”, “Сеянец Титовки”, “Ренет Черненко”ны сайлау әйбәт. Һәвәскәр бакчачылык өчен өстәмә рәвештә “Соколовское”, “Братчуд”, “Подснежник”, “Кибо”, “Исетское позднее”, “Шаропай” сортларын сатып алырга мөмкин.

Көзге сортлардан “Башкирский изумруд”, “Надежда”, “Уральское наливное”, “Бузовьязовское”, “Кушнаренковское осенне”, “Персиянка” сортлары безнең шартлар өчен яхшы. Өстәмә һәвәскәрләр бакчачылыгы өчен “Пепин Башкирский”, “Приземленное”, “Ковровое”, “Бирское грушевое” сортлары тәкъдим ителә.

Җәйге сортлардан “Солнцедар”, “Серебряное копытце”, “Алтайское румяное” сортлары бик тәмле. Шулай ук “Грушовка московская”, “Чудное”, “Терентьевка” сортлары да мул уңыш бирәчәк, дип яза Кызыл таң.

Фото: pixabay.com/ru

Автор: Зөлфия Фәтхетдинова