Балтачта арбаны кыштан әзерлиләрме?

Бу гасырлар буе сыналган әйтем районда ничек үтәлә, бу турыда бүген «Сорнай» күмәк хуҗалыгы машина-трактор паркында зур сөйләшү булды. Район буенча тырмаларныӊ 91 проценты, «СЗП» чәчкечләренеӊ 61 проценты, культиваторларныӊ 84 проценты инде язгы чәчүгә әзерлек сызыгына куелган икән, димәк, бу юнәлештә эш бара. 111 кешене берләштергән 37 бригада машина-трактор паркында ремонт эшләрен төгәл башкара. Әмма 1 апрельгә кадәр барлык язгы кыр эшләренә ктнашырга тиешле техника, шул исәптән тракторларныӊ хәзер булырга тиешлеген искә алсак, вакыт ашыктыра. 10 майга кадәр барлык терлек азыгы әзерләудә катнашырга тиешле техника төзек булырга тиешлеген дә истән чыгарырга ярамый. Аныӊ артыннан комбайннарны кабул итәр чак та җитәчәк. Димәк, машина-трактор паркында һәр көн җитештерүчән хезмәт көне булырга тиеш. Бу турыда газетабыз битләрендә киӊрәк яктыртылачак.