Басуларда эшләр гөрлиме?

«Татарстан»да чәчәләр, тырмалыйлар, ашлыйлар, дым каплаталар. Механизаторлар Илшат Һидиятов туган авылы Сәрдегәнгә якын басуларда, Валентин Яковлев исә Биктәше тирәсендәге күпьеллык үлән кырларын ашлый. Шулай ук Салавыч белән Яңа Салавыч зонасындагы иген кырлары да алар карамагында. Рәдис Габдуллин әтисенең абыйсы Разит белән зяб тырмалауда. Рәфкать Саттаров, Фәнил Хамматов, Илнур Минһаҗев та дым каплатуда эшли. Радик Бариев белән Фәнис Сәйфетдинов күпьеллык үләннәрне тырмалый. Ришат Саттаров исә “Усатый кормовой” борчагын җир куенына сала. Борчак чәчәргә 26 апрель көнне төштән соң чыккан булганнар, бүгенге көндә чәчүне уңышлы гына алып баралар.