Берьюлы ике вымпел (+фото)

Хәбәр ителгәнчә, урып-җыю эшләрендә җитештерүчәнлекне арттыру, тиз һәм сыйфатлы эшләүне тәэмин итү һәм өстәмә матди стимул булдыру максатыннан, район башлыгы призына быел да махсус ярыш оештырылды. Ярыш шартларында күрсәтелгәнчә, һәр атнада иң күп ашлык суктырып алган комбайнчыга премия һәм “2018 елның иң яхшы комбайнчысы” дигән вымпел тапшырыла (җиңүчене ачыклау шартлары турында без газетабызның 3 август санында язган идек). Менә, ниһаять, тәүге җиңүчеләр дә билгеле.

Үткән ел иң беренче булып әлеге вымпел “Дуслык”тан 71 яшьлек Сәлим ага Вафинга бирелсә, быел “Борнак” хуҗалыгының иң тәҗрибәле механизаторларының берсе Илдар Шакиров лаек булды. Илдар өчен унбишенче урак әнә шундый мәртәбәле җиңүдән башланды. Хәер, ул ел саен алдынгылар сафында. Үткән ел “Республиканың иң алдынгы 100 комбайнчысы”ның берсе булган Илдар ярдәмчесе Рифнур Хәбибуллин белән быелгы уракта да уңышлы старт алган. Дәвамы да уңышлы булсын!

Урып-җыюның икенче атнасы күрсәткечләре буенча беренчелек райондашларыбызга яхшы таныш, күп еллардан бирле комбайнчылар арасында лидерларның берсе – Тимирязев исемендәге хуҗалыктан Фәргать Гаязовта. Утыз сигезенче (!) уракта катнашучы, шуның унҗиденче сезонын бер “Дон”да эшләүче Фәргать, ярдәмчесе Фирдус Гарифуллин белән үткән атнада иң югары нәтиҗәләргә ирешкән. Тәҗрибә, осталык, үҗәтлек һәм, билгеле инде, үзара аңлашып, тырышып эшләүләре бу тандемга лаеклы җиңү яуларга ярдәм иткән.

Район башлыгы Рамил Нотфуллин бүген  элек Тимирязев исемендәге, аннан «Борнак» хужалыгында булып җиӊүчеләргә вымпеллар һәм акчалата бүләкләр тапшырды.

 

Балтач район башлыгы Рамил Нотфуллин Тимирязев хужалыгы комбайнчысы Гаязов Фэргатькэ вымпел тапшырды. #урыпжыю2018 #Балтач #Балтаси #хезмэт #уборка #урып-жыю #икмэк #

Публикация от Балтаси - «Хезмәт» (@xezmet_gazetasi) 16 Авг 2018 в 5:43 PDT

 

Район башлыгы Рамил Нотфуллин комбайнчыларга вымпеллар тапшырды. #урыпжыю18 #Балтач #Балтаси #икмэк #урыпжыю #

Публикация от Балтаси - «Хезмәт» (@xezmet_gazetasi) 16 Авг 2018 в 5:38 PDT

Фото: Баш мөхәррир