«Борнак» күмәк хуҗалыгында узган семинарда терлекчелек өлкәсендә 5 айлык эшчәнлеккә нәтиҗә ясалды (фото)

Соӊгы вакытта бу хуҗалыкта терлекчелек өлкәсендә тотрыклылык саклана, җайлап-җайлап терлекчелек фермалары заман тәлапләренә яраштырыла. Ниндидер читтән ярдәм көтми, артык кредит-ссудалар баткаклыгына батмыйча, хуҗалыкта беренчел бурычлар хәл ителеп барыла. Хуҗалык рәисе Рәфкать Нәҗипов һәм белгечләр югары нәтиҗәләргә ирешүнеӊ нигезе еллар буе даими, эзлекле эш алып барудан торганын яхшы аӊлыйлар һәм максатларын ачык билгелиләр.

Район күмәк хужалык рәисләре, баш зоотехниклар терлекчелек биналарын караганнан соӊ, азык әзерләү торышы белән таныштылар. 5 айлык нәтиҗәләргә йомгак Боргак авыл мәдәният йортында ясалды. Киӊәшмәне Балтач муниципаль район башлыгы Рамил Нотфуллин алып барды.