Чираттагы вымпеллар «Бөрбаш»лыларда

Урып-җыю кампаниясенең өченче атна нәтиҗәләре буенча алдынгы игенчеләргә район башлыгы Рамил Нотфуллин тарафыннан чираттагы вымпеллар тапшырылып үтте. Төркемнәрдән беренчелекне алган игенчеләр булып, «Бөрбаш» җәмгыятеннән Илшат Нотфуллин (уңнан икенче) белән Алмаз Корбангалиев (сулдан икенче) танылдылар. Алмаз өчен инде бу быел икенче вымпел, мондый уңышка ирешә алу бик сөендерә, тагын да тырышып эшләргә өнди, ди «Акрос» комбайнын иярләүче. 

Шулай ук бу атнада беренче сертификатлар, район башлыгының Рәхмәт сүзе һәм быелдан махсус бүләк — ярдәмчеләргә кепкалар бирелде.

Быел Алмаз Корбангалиевта комбайнчы ярдәмчесе булып Рамазан Гыйльмуллин эшли, ә Илшат Нотфуллин өченче сезон инде Әмир Шакиров белән урып-җыю кампаниясен башкарып чыга.