«Дуслык»та борчактан бодайга күчтеләр

Баш мөхәррир, 13 июль 2021 - 16:46

3131

Инде хәбәр итүебезчә, «Дуслык» хуҗалыгы районда беренчеләрдән булып борчак суктыруга керешкте.

Бүгенге көндә 130 гектар мәйданда борчак инде суктырылган, уӊышы артык мактанырлык булмаса да, елы өчен ярый, сузылып йөрсәӊ, монысыннан да колак кагырга мөмкин, диләр монда.

Хуҗалыкныӊ 5 комбайны да парадны көзге бодай басуында узды. 90 гектарлы бу басуда уӊыш һәр гектардан 27 центнер чыгып бара.

Комбайнчылар арасында иӊ тәҗрибәлесе Сәлим ага Вафин. Бу елда аӊа 75 яшь тула. Инде басуга, урып-җыюга быел чыкмамын дигән идем, кире уйладым. Бергә эшли торган улыма да җиӊелрәк булыр, аннан күӊел дә комбайн янына тарта, ди ветеран.