Кукуруз игеп баеп буламы?

СССР заманында, 60 елларда кукукуруз игүгә зур игътибар бирелгәнен әле күпләр хәтерлидер. Аны ул вакытта КПССныӊ Генераль секретаре булган Никита Хрущев исеме белән бәйләделәр. Дөрестән дә, Америка Кушма Штатларында рәсми сәфәр вакытында аны ул илнеӊ авыл хужалыгы белән, шул исәптән кукуруз игү белән таныштыралар. Менә шуннан кайткач башлана инде «кукуруз эпопеясы». Илдә күп мәйданнарда игелә торган бу культура терлекчелек үсеше өчен дә, илнеӊ экономикасын үстерүгә дә зур йогынты ясады. Хәтта икмәк тә кукуруза оныннан пешерелә торган булды. Күпмедер вакыттан соӊ бу культурага игътибар кимеде.

Менә соӊгы дистә ел эчендә кукуруз игүгә караш яӊадан уӊайга үзгәрде. Аныӊ шулай икәнен үзебезнеӊ хужалыкларда бу культурага бирелгән мәйданнарныӊ үсүендә ачык күренә.

«Татарстан» күмәк хужалыгыныӊ тәҗрибә басуында узган киӊәшмә барышында район хужалык җитәкчеләре, баш белгечләр игелгән төрле сорт кукуруз үсешен күзәтә алдылар, чәкәннәрнеӊ зурлыгы, формалашуы һәм безнеӊ шартларда орлыкка алу мәсьәләләре белән кызыксындылар. Башкаладан килгән белгечләр төньяк районнарда игү өчен тәкъдим ителгән сортлар турында сөйләделәр, сорауларга җавап бирделәр.