Тимирязев исемендәге җаваплылыгы чикләнгән җәмгыять игенчеләре лидерлык та (фото)
Җәмгыятьнең фидакарь игенчеләре урып-җыю кампаниясен уңышлы тәмамладылар.
Район авыл хуҗалыгы һәм азык-төлек идарәсенең 17 нче август көненә булган кыр көндәлегеннән алынган мәгълүматләрдән күренгәнчә, амбар хуҗалыкларына кайтарылган тулаем җыем күләме буенча лидерлык — Тимирязев исемендәге җаваплылыгы чикләнгән җәмгыять игенчеләре кулында.
Җәмгыятьнең фидакарь игенчеләре урып-җыю кампаниясен уңышлы тәмамладылар, амбар алларына кайтарылган тулаем җыем күләме 5808 тоннаны тәшкил итә. Җәмгыять кырлары, елдагыча, мул уңышы белән сөендерде, уртача уңыш гектарыннан 42,8 центнер булды.
Икенче урында — мул башаклы иген кырларының бәрәкәтен тоеп эшләүче «Дуслык» җәмгыяте игенчеләре. 17 август көнендә җәмгыять кырларында урып-җыюның үтәлеше 86%ны тәшкил итә. Тулаем җыем күләме — 5623 тонна.
Мул икмәкле амбар хуҗалыклары буенча беренче өчлекне 5586 тонна тулаем җыем белән «Сорнай» авыл хуҗалыгы җәмгыяте җөпләп куя. Җәмгыятьтә урак өсте кампаниясе үтәлеше 79%.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев