Тузганак терлек азыгы түгел (+фото)

Кичәге киӊәшмә барышынында терлек азыгы хәзерләүнеӊ торышы турында, аны тулы көченә башларга кирәклеген район башлыгы Рамил Нотфуллин җитәкчеләрнеӊ кат-кат исләренә төшерде. «Сосна» күмәк хуҗалыгында сенажга егылган люцерна һәм басуларны баскан «сары чәчәк» – тузганактан экспресс-лаборатория ярдәмендә анализ алынды.

Бу экспресс лаборатория бик кыйммәтле – бәясе 1 миллон 800 меӊ сум. Әмма 2-3 минутэчендә азыкныӊ, үләннеӊ составы турында кичекмәстән анализын күрсәтә. Үткәрелгән тикшерүнеӊ нәтиҗәсе – иӊ кирәкле матдә булган каротин тузганакта люцернага караганда 10 тапкыр ким икән. Тузганактан сенаж әзерлим, дип йөрмәгез, күпьеллык үлән басулары – өч, күп дигәндә 4 елдан инде эшкәртелеп, яӊа мәйданга күчерергә кирәк, диде район башлыгы.

Печәнгә төшүнеӊ иӊ кирәкле вакытын кулдан ычкындырмаска кирәклеген урыннарда аӊласалар да, үләннәрнеӊ кыска, массаныӊ аз булуын сәбәп итеп, эшкә керешү әле дә сузыла

Фото: автор