Хезмәт

15-тӥ август нуналэ районамы бадӟымесь ужрадъёс ортчизы. Отчы Государственной Советлэн Председателезлэн воштӥсез Римма Ратникова пыриськиз

Быдӟым Отечественной ожысь ветеранлэн Гарифзян Галиевлэн вордскем гуртаз Каенсарын аслаз уксёеныз ожысь эшъёсызлы лэсьтэм памятникез усьтон торжество ортчиз.

Татысен жугиськонэ 43 пиосмурт кошке. Соослэн 21-ез гинэ вордскем палъёсазы берто. Туннэ соослэн одӥгез гинэ улэп. Со - Ципья гуртын улӥсь, орденъёсын но трос медальёсын пусйиськем, республикаын, Россиын тодмо луэм «Калыкъёслэн эшъяськонзы» музейлэн директорез, Россиысь но Татарстанысь сӥё-дано дышетӥсь, культура удысын трос пол ушъям личность - Гарифзян Галиевич Галиев.
Жугиськонлэсь кайгу-куректонзэ ачиз адӟем ветеран кема аръёс ӵоже вордскем гуртаз, егит поколение понна тодэ ваён луымон, боевой эшъёсызлы памятник пуктон малпанэн улэ. Туннэ солэн малпанъёсыз зэмазы. Каенсар гуртлэн шораз памятник усьтӥськиз.
- Быдӟым ожлэн 70 ар тырмонэз матынъяськон нуналъёсы жугиськонын но отысь бертэм бере мугор но сюлэм яраоссылэсь кулэм гуртоосы азьын ужпумме ӧжыт ке но быдэстӥ шуыса, малпасько. Туннэ каньыл улонлэсь кадырзэ тодыса, ортчемъёссэ вунэтытэк, огкылысь луыса улэ, - шуиз ветеран аслаз выступленияз.
Памятникез усьтон ужрадэ Казаньысен нимысьтыз лыктэм Татарстанлэн Государственой Советэзлэн Председателезлэн воштӥсез Римма Ратникова ветеранлы синмаськемзэ вераса, Республикалэн Президентэзлэсь Рустам Миннихановлэсь Таукарон гожтэтсэ сётӥз. Районлэн главаез Рамиль Нутфуллин но ветеранлэсь та вамышсэ егит поколенилы патриотической воспитание сётонын туж важной луэмзэ вераз но районлэн кузьыменыз - Данъян грамотаен пусйиз.
Субаш гуртын лыдъямон нуналъёс куспын модулен фельдшерско-акушерской пункт радэ султӥз. Та районын лэсьтӥськем витетӥез ФАП. Ас дыраз вуж, луонлыкъёсыз луымтэ юртын калыклы медициная юрттэт возьматӥськиз ке, туннэ ини висисьёслэсь ӝожтӥськемзэс выль юрт «пумита». Таӵе югдурлы арлыдоос но, пиналъёс но огвыллем шумпото. Нош кызьы талы уд шумпоты?!
- Пунктлэсь усьтӥськемзэ туж витимы но, тани туннэ со ӧсъёссэ усьтӥз, - шуыса шумпото соос но гурт поселениысь калыклэсь улон условиоссэс умоятон ӧрын нуиськись лэсьтӥськон ужъёслэсь азинтӥськемзэ курыса, лыктэм куноослы бадӟым тау каремзэс вуттӥзы.
Азьло шор ёзо школа луэм гуртын табере начальной школа гинэ кыльыса, кушкетбашъёс умойтэм югдуре кылиллям вал. Эшшо нылпи садзы но борӟаське. Республикаын школаослы капитальной ремонт лэсьтонъя программа ужаны кутскыса, нырысетӥен луыса, Кушкетбашысь начальной школалы ремонт ортчытӥськиз. Собере потребительёслэн обществозылэсь кирпичлэсь лэсьтэм магазинзэ нылпи сад карыса воштӥзы. Туннэ та объект лэсьтӥськисьёслэн но тыршись кузёослэн юрттэменызы выжыкылысь выллем юртлы пӧрмиз.
Та нуналэ ик Алан гуртысь клубын калыклэн люкаськонэз ортчиз. Ужрадэ Аланысь, Бурбашысь, Бурбаш Сардыганысь гурт калык люкаськем вал. Государственной Советлэн Председателезлэн воштӥсезлэсь Римма Ратниковалэсь, муниципальной районлэн главаезлэсь Рамиль Нутфуллинлэсь выступленизэс кылзэмзы бере, люкаськонэ лыктэмъёс асьсэосты тунсыкъяськытӥсь юанъёслы валэктонъёс басьтӥзы.

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: