19 март - подводной флотлэн нуналэз

Русско-японской ожын подводной лодкаос нырысетӥ боевой кыдан басьто, асьсэлэсь выль бадӟым кужым луэмзэс возьмато. Со дырысен кутскыса, подводной лодкаын служить карем котькуд военнослужащий аслаз батырлыкеныз та флотлэсь данзэ вӧлмытӥзы. Али дыре но та военной кужымъёс суткалэн котькуд минутаз, пумтэм-йылтэм ву эксэйлыкын каньыл улонэз утё.

Атомной подводной лодкаын служить карем но трос пол автономной уянэ пыриськем, асьсэ службаенызы тросэзлы пример луэм матросъёсыныз Балтась район но данъяськыны быгатэ. Вуж Салаусьысь Наиль Абдуллин (кулэмын ини, кема аръёс ӵоже Салаусь гуртысь сельсоветэн кивалтӥз); трос статьяослэн героез, К-19 атомной подводной лодкаын потэм тылпуын ассэ геройлыко возьматэм, али дыре Улын Кня гуртын улӥсь l статьяысь старшина Равиль Гарифуллин; Балтасьысь Ильгиз Гайсин; 12 ар подводной лодкаын служить карем, со дыр куспын 8 пол автономной уянэ пыриськем мичман Радик Сабиров; l статьяысь старшина Наиль Хуснетдинов; ll статьяысь старшина Фирдус Гильмуллин (кулэмын); главной старшина Руслан Мамлиев, Нуринерысь главной старшина Фарит Зарипов ӵапак сыӵеос пӧлысь. Та списокез эшшо азинтыны луысал. Районысьтымы Радик Сабиров, Наиль Хуснетдинов, Руслан Мамлиев Россилэн подводной флотэзлэн 100 аръем юбилеезлы сӥзьыса поттэм медаленыз пусъемын.

Праздникен валче подводной флотын служить карем вань улосчиосмес ӟечкыласько, тазалык, кузь гумыр, каньыл но тупаса улон сӥзисько.