Хезмәт

2014-тӥ арын 12-тӥ март нуналэ странаямы Наказаниез быдэстонъя федеральной службалэн кылдэмезлы 135 ар тырме

Дауръёс ӵоже йыруж лэсьтэм адями наказанитэк кыльымтэ, йыружъёс понна тюрьмаос, ссылкаос, каторгаос кылдытӥллям. Россиын соосын кивалтон понна 19-тӥ даурлэн кыкетӥ ӝыныез дырозь нимысьтыз организация луымтэ.

1879-тӥ арын март толэзе, эриклэсь люкон интыосын кивалтон понна огъя организация кылдытӥське, со Тюрьмаослэн валтӥсь управленизы шуыса нимаське. Со организация Внутренней ужъёсъя министерстволэн составаз пыртэмын, нош 1895-тӥ арын Внутренней ужъёсъя министерствоысен Юстицияя министерствое выжтӥське но 1922-тӥ арозь со министерство чотын луэ. 20-тӥ даурын Тюрьмаослэн валтӥсь управлениез кӧня ке пол одӥг министерствоысен мукетаз выже. Революция бере но сыӵе выжонъёс азинтӥсько. 1922, 1930, 1953-тӥ аръёс ӵапак сыӵе выжон аръёс луо.
Россилэн самой выль историезъя 1999-тӥ арысен 12-тӥ март уголовно-исполнительной системалэн нуналэз луыса лыдъяське. 1998-тӥ арын август толэзе уголовной наказаниез быдэстонъя органъёс Юстицияя министерствое выжтӥсько.
Балтась районын наказаниез быдэстонъя системалэн одӥг удысэз - Татарстан Республикаысь уголовной наказаниез быдэстон инспекцилэн филиалэз ужа (2012-тӥ арозь 12-тӥ номеро уголовной наказаниез быдэстонъя инспекция шуыса нимаськиз). Пӧртэм аръёсы филиалэн кивалтӥзы Равиль Тазетдинов, Фарит Камалов, Ильгиз Николаев, Людмила Петрова, Фанис Газизуллин. Али дыре уголовной наказаниез быдэстонъя инспекцилэн Балтасьысь филиалэныз внутренней ужъёсъя подполковник Азат Сабиров кивалтэ. Мукет районъёсын ӵошатыку, ужзы республикаын вылӥ дунъяське.
2013-тӥ арын филиалын 96 адями учётын сылӥз. Соос пӧлысь 16 адями кужмысь уже, 13-ез тупатскон ужъёсы кыскемъёс, 5 мурт пытсэт сьӧры келямъёс, 62-ез условно эриклэсь люкемъёс.
2013-тӥ арын судить карем 6 муртэ суд, тупатскон сюресэ султэм шуыса, ӝыны сроксы ортчем бере, наказанилэсь мозмытӥз. Со дыре ик 12 судить каремъёслэсь ужзэс, судэн сётэм наказаниез, обязательствоосты быдэстымтэзы понна, инспекция судэ лэзем. Бератаз суд соосыз эриклэсь люкиз. Инспекция 2013-тӥ арын общественной порядокез тӥямзы понна 11 муртлы ватсаса обязательствоос сётоно но 11 муртлы эскерон сроксэс кузёмытоно шуыса судэ представлениос пыртӥз но суд со ужез быдэстӥз.
Праздникен валче уголовной наказаниез быдэстон системаын тыршись вань ужасьёсты, ветеранъёсты ӟечкыласькомы, тупаса улон, семья каньыллык, азинсконъёс, юн тазалык сӥзиськом.

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: