25 ар – быдэс даур (+фоторепортаж)

Соин валче удмурт клубъёс но культура юртъёс куспын ортчем «Шулдыр ӝыт» фестивальлэн Гала-концертэз но луиз. Чузъяськизы удмурт кырӟанъёс, возьматӥськизы эктонъёс. Бадӟым но дано ужрадэ ӧтемын вал дуно куноос. Котькудӥз сюлмысен вераз юбилеен ӟечкыланъёссэ. Балтась удмуртъёслэн «Кенеш» НКА-зылэн ужамезлы сётэмын вал туж вылӥ дунъет. Ортчем аръёс ӵоже удмуртлыкез утён понна тыршем муртъёслы сётэмын вал кузьымъёс но грамотаос, соос пӧлын удмуртъёс гинэ ӧз луэ, пусйиськизы бигер но мукет калыкысь адямиос но. Шулдыръяськон но ӟечкылан сяна, вуоно ужъёслы ужпумъёс но чузъяськизы. Вань удмуртъёсмы понна та луиз туж бадӟым но шӧдскымон ужрад.