8 мартэн – Нылкышноослэн калыккуспо нуналэнызы!
Гажано нылкышноос - улон кузьмасьёс, нылпи будэтӥсьёс, семья шунытэз утисьёс, пичи шаермес но быдэс Россиез азинтӥсьёс! Вань сюлмысен ӟечкыласьком тӥледыз та яратонэн но шунытэн тырмем тулыс праздникен! Сюлэмъёсады мед сяськаялоз яратон, котькуд нунал мед ваёз шумпотон!
Тулыс куазь но туннэ йӧнъяське,
Лыз инмысь шунытсэ пазяса.
Тӥледын со туннэ данъяське,
Ӟечкыла, мылкыдзэ кисьтыса.
Нылкышно, нылкышно!..
Ӵошатонтэм тынад чиданэд,
Улонлэн йылолыз тон киын.
Шундылэн кадь тынад ӟырдытэд,
Улонлэн чеберез тон бордын.
Нылкышно, нылкышно!..
Тулысэз вайиськод сюлэме,
Бурдъяськод улыны мылкыдме.
Тон понна - сюлэмысь ӟеч кылъёс,
Тон понна - туннэ вань сяськаос.
Нылкышно, нылкышно!..
(Фёдор Суворов)
фото: boombob.ru
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев