Хезмәт

Аланын но Балтасьын

Али арен ӝыны талэсь азьло гинэ пайдаяськонэ сётэм выль культура юртын каньыл атмосфера.

Уж бере вань сюлмаськонъёсты палэнэ поныса, праздникъёсы гинэ дӥсяно дӥсьсэс дӥсям огезлэсь огез чебер гуртын тыршисьёс кенеше лыктӥллям. Алан гурт калык сяна, татчы Бурбаш поселение пырем Бурбаш, Бурбаш Сардыган гуртъёсысен но лыктӥзы. Кызьы уз лыктэ ини. Татарстан Республикаысь Государственной Советлэн Председателезлэн воштӥсез Римма Ратникова калыкен пумиськыса вераськыны мукет интыез ӧвӧл, Аланэз быръем ук.
Аланын берло аръёсы воштӥськонъёс трос луизы. Нимысьтыз программалэн рамкаяз лэсьтэм культура юрт сярысь верамы ини. Гуртлэн куинь урамаз векчи из вӧлдыса сюресъёсты тупатъяллям.Связья линиосты выльысен кыскиллям, Интернетэ капчиен пырыны быгато. Нош тани туэ гурт калыклэн кемаласен малпанэз луэм бадӟым ӵыпет (плотина) пайдаяськонэ сётэмын. Аланъёс гуртэнызы субботник лэсьтыса, нырысь ик ву люкаськоно интыез пӧртэм жуг-жаглэсь утялтӥллям. Азьпалан та ӵыпетын каньылэн пыласькыны мед луоз шуиллям, дыр. Та ӵыпетлэн азь люкетэз гуртэн фермаез герӟась сюрес но луэ.
Аланысь та воштӥськонъёс, нырысетӥен, гурт калыклэн, огъя вераса, «Бурбаш» хозяйствоысь ужасьёслэн тыршыса ужамзылы (гурт хозяйствоысь продукция поттыса, выт тырыса бюджетэ арлы быдэ уксё пыртыса уло) одӥг дунъет луиз ке, кыкетӥен, республикамылэн правительствоезлэн гуртъёс сярысь ялан сюлмаськемезлэн бервылыз. Кенеше лыктэм Бурбаш поселениысь калык Татарстан Республикаысь Государственной Советлэн Председателезлэн воштӥсезлэсь Римма Атласовна Ратниковалэсь выступленизэ туж сак кылзӥз, асьсэсыз тунсыкъяськытэм юанъёслы ответ басьтӥз.
Туннэ ӝыт вить часэн Балтась культурая центрын муниципальной районлэн главаез Рамиль Нутфуллин Балтась посёлокысь но районысь калыкен пумиське. Та пумиськонэ районэ лыктэм Татарстанысь Государственной Советлэн Председателез Фарит Мухамметшин пыриське. Со дырозь соос Тавзар гуртын трос функциё центрез, Карадуванын гужем спортъя площадкаез усьтон торжествоосын луозы.

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: